Baham adalarında "Flamingo Air" aviaşirkətinə məxsus "Cessna 402" yüngül mühərrikli təyyarəsinin qəzaya uğraması nəticəsində 10 nəfər həlak olub.

"Far.Az" Haitinin "Tele Patriarche" radiosuna istinadən xəbər verir ki, hadisə arxipelaqın ən böyük adasının Nort-Andros rayonunda baş verib.

Təyyarə qəzası nəticəsində göyərtədə olan doqquz nəfər hadisə yerindəcə həlak olub, daha bir nəfər ağır xəsarətlərlə xəstəxanaya çatdırılıb, lakin onun həyatını xilas etmək mümkün olmayıb.

"Cessna 402" hava gəmisi (qeydiyyat nömrəsi C6-FLX) paytaxt Nassau (Linden Pindlinq Beynəlxalq Hava Limanı) ilə San-Andros hava limanı arasında daxili reys həyata keçirirdi.

Baham adalarının Aviasiya Nazirliyi araşdırma müddətində aviaşirkətə daşımaları həyata keçirməyi qadağan edib.

Oxşar xəbərlər

Prezident İlham Əliyev Milli Aviasiya Akademiyasında Beynəlxalq Təlim Mərkəzinin açılışında iştirak edib

AZAL təyyarəsinin Aktau yaxınlığında qəzaya uğraması ilə bağlı anım tədbiri keçirilib

Mülki aviasiyada təhlükəsizliyə nəzarətlə bağlı xidmət haqqı məbləğləri təsdiqlənib

Azərbaycanda mülki aviasiya xidmətləri ilə bağlı tariflər QÜVVƏYƏ MİNDİ

Bakıda obyektdə güclü PARTLAYIŞ - 7 nəfər xilas edilib, yaralılar var