ABŞ Beynəlxalq Cinayət Məhkəməsinin (BCM) "Amerikanın suverenliyinə yaratdığı təhdidini" aradan qaldırmaq məqsədilə ona qarşı genişmiqyaslı kampaniyaya başlayır.

"Far.Az" xəbər verir ki, bu barədə ABŞ Dövlət Departamentinin bəyanatında deyilir.

"Kampaniya BCM-ni sistemli şəkildə fəaliyyət göstərmək, ABŞ hərbçilərini və vəzifəli şəxslərini hədəf almaq və ya Amerika suverenliyini başqa yolla təhdid etmək imkanından məhrum etməyə yönəlmiş, bütün hökumət çərçivəsində cavab tədbirlərini ehtiva edəcək", – Departamentdə bildirilib.

BCM-yə qarşı tədbirlər sırasına məhkəmə əməkdaşlarının Amerika vizalarının ləğvi, onların ABŞ-yə girişinin qadağan edilməsi, həmçinin BCM və onunla əlaqəli təşkilatlara qarşı sanksiyaların genişləndirilməsi daxildir. Bundan əlavə, Vaşinqton digər ölkələri də BCM ilə əməkdaşlıq etməməyə inandırmağa çalışacaq.

ABŞ Prezidenti Donald Tramp 6 fevral 2025-ci ildə təşkilatı Vaşinqtona və İsrail kimi müttəfiqlərinə qarşı qanunsuz hərəkətlərdə təqsirləndirərək, BCM-in vəzifəli şəxslərinə qarşı sanksiyaların tətbiqini nəzərdə tutan fərman imzalayıb.

Oxşar xəbərlər

Prezident İlham Əliyev Əfv Sərəncamı imzalayıb

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib