Qəbələ Beynəlxalq Hava Limanının regional aviasiya qovşağı (hub) statusunda fəaliyyət göstərməsi məqsədilə bir neçə aviaşirkətlə müzakirələr davam etdirilir.

Bu barədə "Far.Az"a açıqlamasında Dövlət Turizm Agentliyi yanında Azərbaycan Turizm Bürosunun (ATB) İdarə Heyətinin sədr müavini Rəşad Əliyev deyib.

Onun sözlərinə görə, turizm sahəsinin inkişafına dair yeni dövlət proqramında regional hava limanlarının fəallaşdırılması və beynəlxalq aviareyslərin genişləndirilməsi prioritet istiqamətlərdən birini təşkil edir: "Hazırda bir sıra aviaşirkətlərlə Qəbələ istiqamətində uçuşların təşkili ilə bağlı danışıqlar aparılır. Hətta aviaşirkətlərdən biri Qəbələ hava limanını Gürcüstandakı Kutaisi nümunəsi əsasında regional "hub" qismində istifadə etmək ehtimalını dəyərləndirir".

ATB rəsmisi vurğulayıb ki, bu təşəbbüs regionlara turist axınının gücləndirilməsinə və ölkənin turizm imkanlarından daha effektiv şəkildə yararlanılmasına yönəlib.

"Regional hava limanlarından beynəlxalq uçuşların yenidən həyata keçirilməsi nəzərdə tutulur. Azərbaycanda regional hava limanlarından beynəlxalq reyslərin bərpası turizm sahəsi üzrə yeni dövlət proqramının başlıca hədəflərindən biri olacaq. Proqram daxilində regionlardakı hava limanlarının daha intensiv istifadəsi və beynəlxalq uçuşların sayının çoxaldılması planlaşdırılır. Əsas hədəflərimizdən biri regional hava limanlarının fəallaşdırılması və beynəlxalq reyslərin yenidən işə salınmasıdır. Bu sahədə müvafiq dövlət strukturları və aviaşirkətlərlə ortaq iş həyata keçirilir", - deyə o əlavə edib.

R. Əliyev həmçinin qeyd edib ki, regionlardan beynəlxalq reyslərin artırılması turistlərə ölkənin fərqli bölgələrinə birbaşa daxil olma imkanını genişləndirəcək və regional turizmin yüksəlişinə əhəmiyyətli töhfə verəcək.

Oxşar xəbərlər

Prezident İlham Əliyev Milli Aviasiya Akademiyasında Beynəlxalq Təlim Mərkəzinin açılışında iştirak edib

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Prezident İlham Əliyev Bakı Enerji Həftəsinin rəsmi açılış mərasimində iştirak edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3