Qazaxıstan Prezidenti Kasım-Jomart Tokayevin Şanxaya (Çin) işgüzar səfəri çərçivəsində çin şirkətləri ilə ümumi məbləği 15 milyard dollardan çox olan 70-dən artıq kommersiya sazişi imzalanıb.

Bu barədə "Report"un Qazaxıstan bürosu Akordaya istinadən xəbər verir.

Onlar süni intellekt və rəqəmsallaşdırma, nəqliyyat infrastrukturu, maliyyə, aqrosənaye kompleksi, maşınqayırma və digər yüksək texnologiyalı sahələri əhatə edir.

Xüsusilə, Qazaxıstanın "Huawei" ilə strateji tərəfdaşlığı, ölkədə "Li Auto", OMODA və JAECOO avtomobillərinin istehsalı, elektromobil infrastrukturunun, süni intellektin və robototexnikanın inkişafı barədə razılıqlar əldə olunub.

Həmçinin Kurık limanında çoxfunksiyalı terminalın birinci mərhələsinin tikintisi, "Data-mərkəzlər vadisi"nin yaradılması, Qazaxıstan-Çin beynəlxalq logistika dəhlizinin inkişafı və iri sənaye layihələrinin həyata keçirilməsi barədə sazişlər imzalanıb.

İmzalanmış sənədlər arasında "Samruk-Kazına" SC ilə "Huawei Technologies" şirkəti arasında texnoloji həllərin və avadanlıqların alınması haqqında saziş; "Qazaxıstanın İnkişaf Bankı" SC ilə "China Central Depository & Clearing Co., Ltd." şirkəti arasında azad ticarət zonasının ofşor istiqrazlarının emitentlərinə xidmətlərin göstərilməsi haqqında saziş; "Qazbot Technologies" və "Agibot PTE" şirkətləri arasında strateji əməkdaşlıq haqqında Saziş və s. var.

Oxşar xəbərlər

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

"OMODA & JAECOO" Azərbaycanda rəsmi olaraq təqdim olundu

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

Euro NCAP-da 5 ulduz alan Jaecoo artıq rəsmi olaraq Azərbaycanda

HUAWEI MatePad Pro 12.2 2025 - Yeni Nəsil Premium Planşet