Avropa İttifaqı (Aİ) Məhkəməsi iyulun 16-da İspaniyada Kataloniya separatçı hərəkatının iştirakçıları üçün qəbul edilmiş amnistiya haqqında qanunun Aİ qanunvericiliyinə zidd olmadığı barədə qərar verib. Beləliklə, məhkəmə Baş nazir Pedro Sançes hökumətinin Kataloniya ətrafındakı siyasi böhranın tənzimlənməsinə yönəlmiş əsas təşəbbüslərindən birini dəstəkləyib.

"Far.Az"un Avropa bürosu xəbər verir ki, məhkəmə qanunun siyasi və institusional gərginliyin azaldılmasına yönəldiyini və barışığa kömək etdiyini qərara alıb.

Məhkəmə həmçinin amnistiyanın Aİ-nin maliyyə maraqlarına zərər vurduğu barədə iddiaları rədd edib.

Qərar 2017-ci ildə Kataloniyanın müstəqilliyini elan etmək cəhdindən sonra İspaniyanı tərk edən bəzi Kataloniya liderlərinin ölkəyə qayıdışını asanlaşdıra bilər.

Bununla belə, Kataloniya hökumətinin keçmiş başçısı Karles Puçdemon hələ ki amnistiyadan yararlana bilməyəcək. İspaniya Ali Məhkəməsi amnistiyanın ona şamil edilməsindən imtina edib və dövlət vəsaitlərini mənimsəmək ittihamı ilə barəsində çıxarılan həbs qərarı qüvvədə qalır. Hazırda o, Aİ Məhkəməsinin qərarından sonra bu məsələ ilə bağlı İspaniya Konstitusiya Məhkəməsinin qərarını gözləyir.

Amnistiya haqqında qanun artıq 2017-ci il hadisələri ilə əlaqəli təxminən 400 nəfərə şamil olunub. Həmin il Kataloniya hakimiyyəti qadağan edilmiş müstəqillik referendumu təşkil etmiş, daha sonra isə regionun İspaniyanın tərkibindən çıxdığını birtərəfli qaydada elan etmişdi.

Oxşar xəbərlər

Amnistiya aktı məntəqə tipli cəzaçəkmə müəssisəsində icra olunub

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2