Türkiyənin tanınmış jurnalisti, yazıçısı və televiziya aparıcısı Aziz Üstəl 80 yaşında vəfat edib.

BAKU.WS xəbər verir ki, o, müalicə aldığı İzmir şəhərində çoxsaylı orqan çatışmazlığı səbəbindən dünyasını dəyişib.

1948-ci il təvəllüdlü Aziz Üstəl ABŞ-nin Kaliforniya Universitetində beynəlxalq münasibətlər və yayımçılıq ixtisasları üzrə təhsil alıb. Türkiyəyə qayıtdıqdan sonra tərcüməçi kimi fəaliyyət göstərən Üstəl Entoni Börcessin məşhur "Mexaniki portağal" ("A Clockwork Orange") əsəri də daxil olmaqla çoxsaylı kitabları türk dilinə tərcümə edib.

Jurnalistika fəaliyyətinə "Tercüman" və "Günaydın" qəzetlərində başlayan Aziz Üstəl TRT-də müxtəlif layihələrdə tərcüməçi kimi çalışıb, "Gecənin qonaqları" proqramının müəllifi və aparıcısı olub. O, həmçinin televiziya layihələri hazırlayıb, serial ssenariləri yazıb, idman jurnalistikası ilə məşğul olub və bir müddət "Qalatasaray" klubunda idarəçi vəzifəsini tutub.

Qeyd edək ki, Aziz Üstəlin "Məni kim öldürdü", "Osmanlının son qartalları" və "Ölü uşaqlar şəhəri" adlı kitabları da nəşr olunub.

Oxşar xəbərlər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Türkiyə mətbəxinin ləziz məkanı "Günaydın" restoranına "5 ulduz" sertifikatı verildi

Sevilən məkan, dəyişməz keyfiyyət: "Günaydın" restoranı daha bir ünvanda

"Euronews Academy" çərçivəsində keçirilən "Rəqəmsal Jurnalistika" təlim proqramı yekunlaşıb

İlham Əliyev Lənkəran Dövlət Peşə Təhsil Mərkəzinin açılışında iştirak edib