Türkiyədə İzmit Rayon Bələdiyyəsinə qarşı aparılan istintaq çərçivəsində bələdiyyə sədri Fatma Kaplan Hürriyet və həyat yoldaşı Murat Hürriyet saxlanılıblar.

BAKU.WS xəbər verir ki, bu barədə "Haber Global"da məlumat dərc olunub.

Bildirilib ki, əməliyyat zamanı ümumilikdə 31 nəfərin saxlanılması barədə qərar verilsə də, onlardan 28-i hüquq-mühafizə orqanları tərəfindən tutulub.

İstintaq tədbirləri çərçivəsində səhər saatlarında həm İzmit Bələdiyyəsinin inzibati binasında, həm də Fatma Kaplan Hürriyetin yaşadığı ünvanda polis tərəfindən axtarış aparılıb.

İstanbul Baş Prokurorluğunun yaydığı açıqlamada bildirilib ki, saxlanılan şəxslər, o cümlədən bələdiyyə sədri və onun həyat yoldaşı "cinayət məqsədilə təşkilat yaratmaq", "korrupsiya" və "dövlət satınalmalarında saxtakarlıq" ittihamları ilə istintaqa cəlb olunublar.

Qeyd olunub ki, prokurorluğun göstərişi ilə iyulun 20-də Antalya, Kırıkkale, İzmit, İstanbul və Ankara şəhərlərində eyni vaxtda genişmiqyaslı əməliyyat keçirilib.

Oxşar xəbərlər

Şəhidlər xiyabanına xalq ziyarəti axşam saatlarında da davam edir

FHN-in Dövlət Yanğından Mühafizə Xidməti növbəti "açıq qapı günü" tədbirləri keçirib

Leyla Əliyeva "Onlardan biri: Emil" adlı anım tədbirində iştirak edib

Polis Günündə də post başında – Bakının küçələrindən diqqətçəkən FOTOLAR

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər