Yəməndə fəaliyyət göstərən "Ənsar Allah" hərəkatının husi qüvvələri Səudiyyə Ərəbistanına məxsus iki neft tankerinə zərbə endirdiklərini bəyan ediblər.

"Report" xəbər verir ki, bu barədə husi qüvvələri məlumat yayıb.

"Yəmən Silahlı Qüvvələri Qırmızı dənizdə blokadanı pozan iki Səudiyyə Ərəbistanına məxsus neft tankerinə zərbələr endirib. Tankerlərdən biri "ENCELIA", digəri isə "LAYLA" adlanır", - deyə məlumatda qeyd olunub.

Qeyd olunur ki, hücum zamanı hərəkat pilotsuz uçuş aparatlarından, həmçinin ballistik və qanadlı raketlərdən istifadə edib. Husilər, həmçinin təxminən 10 gəmini marşrutunu dəyişməyə məcbur etdiklərini bildiriblər.

Böyük Britaniya Hərbi Dəniz Qüvvələrinin Dəniz Ticarət Daşımalarının Əlaqələndirilməsi Mərkəzi (UKMTO) isə bildirib ki, tanker Səudiyyə Ərəbistanının Əl-Şuqayk şəhərindən 70 dəniz mili cənub-qərbdə naməlum mərmi ilə hücuma məruz qalıb.

"Tankerin kapitanı naməlum mərminin gəmiyə dəydiyini bildirib. Nəticədə gəmidə yanğın baş verib və ekipaj hazırda alovun söndürülməsi istiqamətində iş aparır", - deyə məlumatda qeyd olunub.

Oxşar xəbərlər

Azərbaycandan Türkmənistana hədiyyə olunan tankerin GÖRÜNTÜLƏRİ

Azov dənizində gəmiyə dron hücumunda həlak olan Fuad Orucov Xaçmazda dəfn edilib

Gəncənin ballistik raket atəşinə tutulması əmrinin Ermənistan rəhbərliyi tərəfindən növbəti dəfə təsdiqlənib

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib

Vətən müharibəsində Qələbənin beşinci ildönümünə həsr olunmuş Hərbi parad keçirilib