İrlandiyanın Tuam şəhərində yerləşən keçmiş katolik ana və uşaq sığınacağının ərazisində aparılan qazıntılar zamanı 99 körpənin qalıqları aşkar edilib.

"Report"un xarici KİV-ə istinadən verdiyi məlumata görə, bu barədə İrlandiyanın Qazıntılar İdarəsi (ODAIT) açıqlama yayıb.

Bildirilir ki, qazıntılar 2025-ci ilin iyul ayından etibarən aparılır. Buna tarixçi Ketrin Korlessin 1925–1961-ci illərdə sığınacaqda həyatını itirmiş 796 körpə və uşağın burada dəfn oluna biləcəyi barədə məlumat verməsi səbəb olub. 2017-ci ildə yaradılmış xüsusi komissiya müəssisənin ərazisində yerləşən yeraltı rezervuarlarda çoxsaylı uşaq qalıqlarının olduğunu təsdiqləmişdi.

ODAIT-in məlumatına görə, aşkarlanan 99 körpənin qalıqlarından 22-si tabutlarda tapılıb. Qalıqlar əvvəllər nəqliyyat vasitələrinin hərəkəti üçün istifadə edilən ərazidə üzə çıxarılıb.

Qeyd olunur ki, keçmişdə İrlandiyada hamilə qadınlar tez-tez bu cür sığınacaqlara göndərilir, uşaqlar doğulduqdan sonra analarından ayrılaraq övladlığa verilirdi. Saxlanma şəraitinin ağır olması səbəbindən çoxlu sayda uşaq həyatını itirirdi.

Oxşar xəbərlər

Milli Qəhrəman Şahin Tağıyev dəfn edilir

Prezident İlham Əliyev Xocalıda hərbi qulluqçular üçün nəzərdə tutulan fərdi evlərdə yaradılmış şəraitlə tanış olub

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Xalq artisti Əminə Yusifqızı dəfn olunub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN