ABŞ Mərkəzi Komandanlığı (CENTCOM) İrana qarşı 12 gecə hücumları dalğasının başa çatdığını açıqlayıb.

"Far.Az" xəbər verir ki, bu barədə CENTCOM-un yaydığı bəyanatda bildirilib.

Məlumata görə, ABŞ qüvvələri İranın hərbi obyektlərinə, o cümlədən dəniz imkanlarına, raket və pilotsuz uçuş aparatlarının saxlanma məntəqələrinə, sahil müşahidə obyektlərinə və hava hücumundan müdafiə sistemlərinə zərbələr endirib.

Bildirilib ki, bu zərbələr İranın mülki dənizçilərə və kommersiya gəmilərinə qarşı hücum imkanlarını daha da zəiflətməyə yönəlib.

02:20

ABŞ Mərkəzi Komandanlığı (CENTCOM) İran ərazisindəki hərbi hədəflərə qarşı yeni zərbələr seriyasına başladığını açıqlayıb.

"Far.Az" xəbər verir ki, bu barədə CENTCOM-un X sosial şəbəkəsində yayımladığı məlumatda bildirilib.

"ABŞ qüvvələri bu gün Şərq vaxtı ilə saat 17:30-da (Bakı vaxtı ilə 01:30 - Qeyd) Ali Baş Komandanın göstərişi ilə İranın hərbi hədəflərinə qarşı yeni zərbələr endirməyə başlayıb. Əməliyyat İranın bölgə sularında hərəkət edən mülki dənizçilər və kommersiya gəmiləri üçün təhdid yaratmaq imkanlarını daha da zəiflətmək məqsədilə davam etdiriləcək", - deyə məlumatda qeyd olunub.

Qeyd edək ki, İranın Bəndər-Mahşəhr limanı ətrafında, Sirik, Ramşir, Buşehr və Əhvaz şəhərlərində silsilə partlayışlar baş verib.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

FHN-in Bakı Regional Mərkəzi kompleks mülki müdafiə təlimi təşkil edib

Tuapsedə PUA hücumundan sonra "qara yağış" canlılara ZƏRƏR VURUB

Mülki aviasiyada təhlükəsizliyə nəzarətlə bağlı xidmət haqqı məbləğləri təsdiqlənib