Əlcəzairin şimal və şimal-şərq rayonlarını əhatə edən genişmiqyaslı meşə yanğınları nəticəsində azı 6 nəfər həlak olub, təxminən 100 nəfər xəsarət alıb.

"Report"un verdiyi məlumata görə, bu barədə ölkənin Daxili İşlər Nazirliyi məlumat yayıb.

Qeyd olunub ki, son sutka ərzində zərərçəkmiş ərazilərin 100-dən çox sakini xəstəxanalara yerləşdirilib. Onların hamısının vəziyyəti stabil olaraq qiymətləndirilir.

Son günlər Əlcəzairin şimalında 1,5 mindən çox yanğın ocağı qeydə alınıb. Yanğınlar meşə massivlərini, palma bağlarını və kənd təsərrüfatı sahələrini məhv edib, 150-dən çox yaşayış evi zədələnib. Evlərdən sakinlər vaxtında təxliyə olunub.

Bundan başqa güclü külək və havanın temperaturunun +35°C-dən yüksək olduğu isti hava şəraiti yanğınların söndürülməsini çətinləşdirir.

Oxşar xəbərlər

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib

Xocalı şəhərində "Qarabağ Tekstil Evi" MMC istifadəyə verilib

Güclü yağışdan sonra Bakıda genişmiqyaslı daxili iməcilik keçirilib

Lökbatandakı yanğına helikopterlər indiyədək 150 ton su töküb - YENİLƏNİB-4

Bakıda güclü külək 78 ağacı aşırdı, 40 ağacın budaqları qırıldı