Avropa İttifaqı (Aİ) Şurası iyulun 23-ü Rusiyaya qarşı energetika, maliyyə və kriptovalyuta sektorlarına yönəlmiş 21-ci sanksiya paketini yekun olaraq təsdiqləyib, eləcə də son 4 ildə ən böyük fərdi məhdudiyyətlər paketini tətbiq edib.

Bu barədə "Far.Az"un Avropa bürosu Aİ Şurasına istinadən xəbər verir.

Yeni tədbirlərə Aİ-nin qiymətləndirməsinə görə, Rusiya iqtisadiyyatı və Ukraynaya qarşı müharibənin maliyyələşdirilməsi üçün ən böyük əhəmiyyət kəsb edən sahələrə qarşı sərt iqtisadi sanksiyalar daxildir.

Eyni zamanda Aİ 48 fiziki şəxs və 170 təşkilat əlavə etməklə sanksiya siyahılarını 218 mövqedə genişləndirib.

Brüsseldən bildirilib ki, yeni paket Rusiya tərəfindən Ukraynanın mülki infrastrukturuna, o cümlədən enerji, mülki və tibb obyektlərinə, eləcə də mədəniyyət və dini müəssisələrə endirilən son zərbələrdən sonra Rusiyanın iqtisadiyyatını və ölkənin hərbi potensialını daha da zəiflətmək məqsədi daşıyır.

"Hər yeni sanksiya paketi ilə biz Rusiyaya qarşı təzyiqi gücləndiririk", - Avropa diplomatiyasının rəhbəri Kaya Kallas qeyd edib.

Aİ-dən bildirilib ki, ədalətli və uzunmüddətli sülhə gətirib çıxara biləcək məzmunlu danışıqların başlamasına, həmçinin müharibənin dayandırılmasına nail olmaq üçün Moskvaya qarşı iqtisadi təzyiqi qoruyub saxlamaq və gücləndirmək niyyətindədirlər.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib

Prezident İlham Əliyev Bakı Enerji Həftəsinin rəsmi açılış mərasimində iştirak edib

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

ABŞ Prezidenti Donald Trampın təşəbbüsü ilə yaradılan Sülh Şurası təsis edilib