Yevlax rayonunda ölümlə nəticələnən silahlı insident baş verib.

Hadisə iyulun 23-də rayonun Hacıselli kəndində qeydə alınıb.

Məlumata görə, aralarında yaranan mübahisə zamanı 1963-cü il təvəllüdlü Natiq Abbasov avtomat silahdan atəş açaraq həmkəndlisi, 1984-cü il təvəllüdlü Eşqin İsmayılovu qətlə yetirib.

Mərhumun yaxınlarının sözlərinə görə, hadisə zamanı çoxsaylı atəş səsləri eşidilib.

Eşqin İsmayılovun qardaşı Hüseyn İsmayılov bildirib ki, şübhəli şəxs digər ailə üzvlərinə də atəş açıb:

"Qardaşıma təxminən 18 dəfə atəş açıb. Qızıma da güllə atıb. O, qaçaraq qonşunun həyətinə sığınıb. Anam çölə çıxmaq istəyəndə ona tərəf də atəş açıb. Deyib ki, bu gecə nəslinizi qıracağam".

Onun sözlərinə görə, tərəflər arasında əvvəldən ədavət olub:

"Qardaşım buna görə səkkiz ay həbsdə qalıb. Sonradan dəfələrlə barışıq əldə etməyə çalışmışıq, lakin qarşı tərəf razılaşmayıb".

Hadisəni törətməkdə şübhəli bilinən Natiq Abbasov polis əməkdaşları tərəfindən saxlanılıb.

Faktla bağlı Yevlax Rayon Prokurorluğunda araşdırma aparılır.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Şəhid olmuş bir qrup hərbi qulluqçu və mülki işçi ölümündən sonra təltif olunub

Bakıda kafenin qarşısında dəhşətli QƏTL: "Moyka" biznesi ölümlə bitdi

Prezident İlham Əliyev Şuşanın Böyük Qaladərəsi kəndində görülən işlərlə tanış olub, sakinlərlə görüşüb

Leyla Əliyevanın təşəbbüsü ilə icra olunan "Gənc arıçı" layihəsi Yevlaxda uğurla yekunlaşıb