"Bizim ölkədə bu 12% milli valyutada 12% həddi mövcuddur və eyni zamanda da xarici valyutada da 2,5% həddi mövcuddur.

Bizim sığorta və risklərin idarə edilməsi departamenti həmin göstəriciləri dövri olaraq aldığı banklardan aldığımız məlumatlar əsasında, yəni bütün mediaya və bütün ictimaiyyətə açıq olan məlumatlar əsasında yoxlayırlar və eyni zamanda aldığımız qorunan əmanətlərlə bağlı hesabatlar əsasında yoxlayırlar və hesab edirik ki, hazırda ümumi bazar şəraitində yerləşdirilən vəsaitlər ümumilikdə həmin o faiz hədlərində yerləşdirildiyindən bu faiz hədlərinin dəyişməsinə belə bir zərurət yoxdur".

BAKU.WS xəbər verir ki, bu sözləri Şamaxıda keçirilən "Əmanətlərin Sığortalanması Fondu: maliyyə sabitliyinin qorunması, əmanətçilərin

hüquqlarının müdafiəsi və beynəlxalq əməkdaşlıq istiqamətləri" adlı tədbirdə çıxış edən Əmanətlərin Sığortalanması Fondunun Hüquq departamentinin direktoru Azər Əmirov deyib.

O əlavə edib ki, əvvəlki dövrlərdə buna, daha çox intuitiv yanaşılırdı:

"Milli valyutada qorunan əmanətlərin yuxarı faiz həddinin müəyyən edilməsinə, Mərkəzi Bankın da təklifi ilə hazırlanmış xüsusi metodologiya ilə hazırda bu xüsusi çəkilər hesablanmaqla bazardakı ümumi tendensiyalar nəzarət altında saxlanılır və altı aydan bir məsələ Fondun Himayəçilik Şurasında müzakirə edilməklə faiz dərəcəsinin artıb azalması tendensiyasına baxılır".

Qeyd edək ki, bu gün Əmanətlərin Sığortalanması Fondu Şamaxıda Milli Mətbuat gününə həsr olunan dialoq və əməkdaşlıq forumu keçirir.

Zöhrə Pənahi

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib