Bolqarıstan prezidentinin səlahiyyətlərini icra edən İliyana Yotova qarşıdan gələn prezident seçkilərində namizədliyini irəli sürəcəyini açıqlayıb.

"Report" xəbər verir ki, bu barədə "BNT-Novini" portalı məlumat yayıb.

İ.Yotova əlavə edib ki, onun prezident postuna namizədliyi təşəbbüs komitəsi tərəfindən irəli sürüləcək, ölkənin vitse-prezidenti postuna namizəd isə daha sonra məlum olacaq.

"Bəli, mən namizədliyimi irəli sürəcəyəm. Mənim namizədliyim təşəbbüs komitəsi tərəfindən irəli sürüləcək. Hesab edirəm ki, Bolqarıstanda bir çox insan məni dəstəkləyir", - o, qarşıdan gələn seçkilər barədə sualı cavablandırarkən bildirib.

İ.Yotova 2026-cı ilin yanvar ayının ortalarından, Bolqarıstanın sabiq prezidenti, hazırkı Baş nazir Rumen Radev istefa verdiyi vaxtdan dövlət başçısının səlahiyyətlərini icra edir. O, bu vəzifədə R.Radevin mandatının sonunadək - 2027-ci il yanvarın 22-dək qala bilər.

Qeyd edək ki, Bolqarıstanda prezident seçkilərinin tarixi rəsmi şəkildə elan edilməyib, lakin 2026-cı ilin noyabrında keçirilməsi gözlənilir.

Oxşar xəbərlər

Rumen Radev Bolqarıstan hökumətini formalaşdırmaq üçün mandat alıb

Bolqarıstan Prezidenti istefa verib

Bolqarıstan Prezidenti istefa verəcəyini bildirib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3