"Sabah" Azərbaycan futbolu tarixinə avrokuboklarda Liqa mərhələsinə yüksələn 4-cü komanda kimi düşüb.

"Far.Az" xəbər verir ki, bu barədə Peşəkar Futbol Liqasının mətbuat xidməti məlumat yayıb.

Paytaxt təmsilçisi UEFA Çempionlar Liqasının II təsnifat mərhələsində Finlandiyanın "KuPS" klubunu hər iki oyunda məğlub edərək (1:0, 2:0) III təsnifat mərhələsinə yüksəlib.

Bununla da "Sabah" tarixində ilk dəfə avrokubokların liqa mərhələsinə vəsiqəni təmin edib.

Komandanın UEFA Çempionlar Liqası, UEFA Avropa Liqası və ya UEFA Konfrans Liqasının hansı liqa mərhələsində çıxış edəcəyi növbəti iki təsnifat mərhələsinin nəticələrindən sonra dəqiqləşəcək.

Qitəmiqyaslı turnirlərdə 2023/24 mövsümündə debüt edən "Sabah" bu uğura avrokuboklardakı 4-cü mövsümündə imza atıb.

Bunadək Azərbaycan futbolunda yalnız üç komanda – "Neftçi", "Qarabağ" və "Qəbələ" qitə kuboklarının əsas mərhələsində çıxış edib. Həmin klublar birlikdə 15 dəfə bu uğuru təkrarlayıblar.

"Neftçi" – 1 dəfə

UEFA Avropa Liqası – 2012/13

"Qarabağ" – 12 dəfə

UEFA Avropa Liqası – 2014/15

UEFA Avropa Liqası – 2015/16

UEFA Avropa Liqası – 2016/17

UEFA Çempionlar Liqası – 2017/18

UEFA Avropa Liqası – 2018/19

UEFA Avropa Liqası – 2019/20

UEFA Avropa Liqası – 2020/21

UEFA Konfrans Liqası – 2021/22

UEFA Avropa Liqası – 2022/23

UEFA Avropa Liqası – 2023/24

UEFA Avropa Liqası – 2024/25

UEFA Çempionlar Liqası – 2025/26

"Qəbələ" – 2 dəfə

UEFA Avropa Liqası – 2015/16

UEFA Avropa Liqası – 2016/17

"Sabah" – 1 dəfə

Avrokuboklar - 2026/27

Oxşar xəbərlər

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Konfrans Liqası: "Neftçi" öndə olduğu matçda "Dinamo"ya uduzub - YENİLƏNİB-9

İlham Əliyev Cəbrayılın Horovlu kəndinin birinci mərhələsinin açılışında iştirak edib

"Zirə" UEFA Konfrans Liqasının 2026/2027 mövsümündə ilk oyununda qələbə qazanıb - YENİLƏNİB-7

UEFA Avropa Liqası: "Qarabağ" "Vestri"ni məğlub edib - YENİLƏNİB-5