Pentaqon hərbi-sənaye korporasiyası "Lockheed Martin" ilə "Patriot" hava hücumundan müdafiə (HHM) sistemi üçün sursatların istehsalı və tədarükünə dair müqavilənin dəyərini 58,6 milyard dollara qədər artırıb.

"Report" xəbər verir ki, bu barədə ABŞ Quru Qoşunlarının bəyanatında deyilir.

Aprel ayında ABŞ hərbçiləri "Lockheed Martin"dən 4,7 milyard dollar dəyərində PAC-3 MSE idarəolunan zenit raketləri sifariş ediblər. İndi ilkin olaraq bir il müddətinə nəzərdə tutulan müqaviləyə yenidən baxılıb.

Onun dəyəri 53,9 milyard artırılaraq 58,6 milyard dollara çatdırılıb, icra müddəti isə yeddi ilə qədər uzadılıb.

Bir sıra ABŞ media resurslarının məlumatına görə, bu, ən böyük sövdələşmədir. Həmçinin müqavilənin şərtlərinin gələcəkdə dəyişdirilməsi imkanı istisna edilmir.

ABŞ Quru Qoşunlarından qeyd ediblər ki, yeni sifariş "Lockheed Martin"ə istehsal gücünü artırmağa imkan verəcək. 2030-cu ilin sonuna kimi şirkətin PAC-3 MSE raketlərinin istehsalını üç dəfə artıra biləcəyi gözlənilir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Sumqayıt Sənaye Parkında karton və qutu taralarının istehsalı müəssisəsinin açılışı olub

Prezident İlham Əliyev Sumqayıt Sənaye Parkında güzgü vərəqələrin istehsalı zavodunun açılışında iştirak edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3