HƏMAS hərəkatı və Qəzzada nizamlanma prosesində iştirak edən Fələstin fraksiyaları anklavda vəziyyətin sabitləşdirilməsi ilə bağlı sazişin bütün bəndlərini razılaşdırıblar.

"Report" xəbər verir ki, bu barədə "Al Hadath" telekanalı məlumat yayıb.

Qeyd olunub ki, saziş Qəzza zolağında sülh prosesinə nəzarət üçün yaradılmış beynəlxalq struktur olan Sülh Şurası tərəfindən təqdim edilib.

Bildirilib ki, razılaşmalar barədə rəsmi açıqlama İsrail tərəfi HƏMAS tərəfindən qəbul edilən şərtləri təsdiqlədikdən sonra veriləcək. Əldə olunan razılaşmanın detalları, ehtimal olunur ki, artıq cümə günü açıqlana bilər.

Hərəkatın nümayəndəsinin dəqiqləşdirdiyinə görə, HƏMAS tərəfindən qəbul edilən şərtlərə, məsələn, "HƏMAS-ın, o cümlədən ağır silahlarının Qəzza zolağının idarə olunması üzrə milli (Fələstin – Qeyd) komitəsinə təhvil verilməsi" daxildir. Silahların inventarlaşdırılması və saxlanması isə "hərəkət məsələləri ilə məşğul olan beynəlxalq komitə" tərəfindən həyata keçirilməlidir.

HƏMAS həmçinin razılaşıb ki, silahların təhvil verilməsi prosesi "İsrail qoşunlarının faktiki çıxarılması ilə əlaqələndirilsin". Silahların inventarlaşdırılması və saxlanmaq üçün təhvil verilməsi üçün ayrılan müddət isə "ən azı 14 gün təşkil etməlidir".

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Prezident İlham Əliyev Bakı Enerji Həftəsinin rəsmi açılış mərasimində iştirak edib

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN