Xalq yazıçısı Elçinin vəfatının ildönümü ilə əlaqədar məzarı ziyarət edilib.

Far.Az "Report"a istinadən xəbər verir ki, ziyarət zamanı həmçinin Xalq yazıçısının qəbirüstü abidəsinin açılışı olub.

Mərasimdə Mədəniyyət Nazirliyinin, Bakı Şəhər İcra Hakimiyyətinin və Ombudsman Aparatının rəhbərliyi, diplomatik korpusun nümayəndələri, eləcə də, Milli Məclisin üzvləri, mədəni-elmi ictimaiyyət, həmçinin mərhum yazıçının ailə üzvləri iştirak ediblər.

Çıxış edən mədəniyyət nazirinin müavini Murad Hüseynov Xalq yazıçısı Elçinin Azərbaycan ədəbiyyatında önəmli yerə sahib olduğunu qeyd edib. Nazir müavini bildirib ki, Elçinin yaradıcılığı yaşadıqca özü də insanların xatirəsində yaşayaq.

Xalq yazıçısı Anar da, öz növbəsində, Elçinin xatirəsinə ehtiramını bildirirək onun yaradıcılığını Azərbaycan ədəbiyyatı üçün yeni bir cığır adlandırıb.

Xalq yazıçısının qızı deputat Günay Əfəndiyeva bildirib ki, atasının vəfatından sonra davamlı şəkildə insanlardan xoş sözlər eşidib: "Atam çox şərəfli ömür yaşayıb və mən şadam ki, onun vəfatından sonra hər kəs onu xoş xatirələrlə yad edir, xatirəsini yaşadır".

G.Əfəndiyeva, həmçinin Prezident İlham Əliyevə, Azərbaycan hökumətinə də Xalq yazıçısının xatirəsinə göstərdikləri diqqət və qayğıya görə təşəkkür edib.

Qalereya

Oxşar xəbərlər

Prezident İlham Əliyev Bakı Enerji Həftəsinin rəsmi açılış mərasimində iştirak edib

Bakıda Azərbaycan səhiyyəsi üçün önəmli tədbir keçirilib

Leyla Əliyeva və Alyona Əliyeva mükafatlandırma mərasimində iştirak ediblər

Leyla Əliyeva və Arzu Əliyeva Qaxda Axar-Baxar Milli Parkının açılış mərasimində iştirak ediblər

Leyla Əliyeva "Onlardan biri: Emil" adlı anım tədbirində iştirak edib