Qızıl satışı adı ilə Azərbaycan vətəndaşlarına qarşı yarım milyon manatdan artıq dələduzluq etməkdə təqsirləndirilən Özbəkistan vətəndaşı Guzal Mamatovanın cinayət işi məhkəmə prosesi keçirilib.

BAKU.WS apa-ya istinadən xəbər verir ki, bu gün Bakı Ağır Cinayətlər Məhkəməsində hakim Fəxri Məmmədovun sədrliyi ilə keçirilən prosesdə hökm oxunub.

Hökmə əsasan, təqsirləndirilən Guzal Mamatova 6 il 6 ay il müddətinə azadlıqdan məhrum edilib.

Qeyd edək ki, dövlət ittihamçısı təqsirləndirilən şəxsin 7 il 11 ay müddətinə azadlıqdan məhrum edilməsini təklif edib.

İttihama görə, əvvəllər "Moskva" univermağında qızıl satışı ilə məşğul olan Guzal Mamatova qazandığı etibardan istifadə edərək tanıdığı şəxslərin ona verdikləri qızılların Özbəkistanda satışını həyata keçirib. Bu yolla yarım milyon manat dəyərində qızıl-zinət əşyalarını müştərilərdən alaraq pulunu mənimsəyib.

Guzal Mamatovaya qarşı Cinayət Məcəlləsinin 178.3.2-ci (külli miqdarda dələduzluq) maddəsi ilə ittiham irəli sürülüb, barəsində həbs qətimkan tədbiri seçilib.

Oxşar xəbərlər

Prezident İlham Əliyev Əfv Sərəncamı imzalayıb

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib

Bakıda yarım milyonluq qızıl işi: Şahidlər məhkəmədə ifadə verdi

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Bakıda 4 otaqlı ev 118 800 manatdan - Ucuz mənzillərin satışı başladı