Ukrayna Azərbaycanın onun suverenliyi və ərazi bütövlüyünə dəyişməz dəstəyini yüksək qiymətləndirir, eləcə də Azərbaycanın suverenliyi və ərazi bütövlüyünün dəstəklənməsinə sadiq qalır.

"Report" xəbər verir ki, bu barədə Ukraynanın xarici işlər naziri Andrey Sibiqa azərbaycanlı həmkarı Ceyhun Bayramovla görüşünün yekunlarına dair sosial şəbəkələrdə yazıb.

"Azərbaycanın suverenliyimizə və ərazi bütövlüyümüzə dəstəyini yüksək qiymətləndiririk, həmçinin Azərbaycanın suverenliyini və ərazi bütövlüyünü dəstəkləməyə eyni dərəcədə sadiq qalır", - nazir qeyd edib.

Sibiqanın sözlərinə görə, danışıqlar zamanı diplomatlar ikitərəfli və beynəlxalq gündəliyin əsas məsələlərini, o cümlədən regional təhlükəsizliyi, iqtisadi və enerji əməkdaşlığını, eləcə də Azərbaycanın Ukraynanın bərpasına verdiyi töhfəni müzakirə ediblər.

"Bugünkü görüş Ukrayna və Azərbaycan arasında strateji tərəfdaşlığın daha da möhkəmləndirilməsi yolunda daha bir mühüm addım oldu. Yüksək səviyyədəki müntəzəm təmaslar, praktik əməkdaşlıq və ikitərəfli gündəliyin genişləndirilməsinə ümumi sadiqlik sayəsində dialoqumuz fəal və məzmunlu olaraq qalır", - Ukraynanın XİN rəhbəri qeyd edib.

Sibiqa həmçinin Rusiya-Ukrayna müharibəsinin ilk günlərindən göstərilən humanitar yardıma, xüsusilə Ukraynanın enerji dayanıqlığına dəstəyinə, eləcə də kritik infrastrukturun bərpasına verdiyi töhfəyə görə Azərbaycana təşəkkür edib.

"Məhsuldar danışıqlara görə təşəkkür edirəm, əziz Ceyhun. Əminəm ki, dostluğumuz, qarşılıqlı etimadımız və strateji tərəfdaşlığımız ölkələrimizin və xalqlarımızın rifahı naminə bundan sonra da möhkəmlənəcək", - nazir əlavə edib.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyev və Çexiyanın Baş naziri Andrey Babiş mətbuata bəyanatlarla çıxış ediblər

Prezident İlham Əliyev Bakı Enerji Həftəsinin rəsmi açılış mərasimində iştirak edib

İlham Əliyev TDT-yə üzv dövlətlərin hökumət başçılarının görüşünün iştirakçılarını qəbul edib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib