Ukrayna dronları bir həftə ərzində Qara və Azov dənizlərində Rusiyanın "kölgə donanması"nın 12 gəmisini vurub.

"Report" xəbər verir ki, bu barədə Ukraynanın Pilotsuz Sistemlər Qüvvələrinin komandanı Robert Brovdi teleqram kanalında bildirib.

Məlumata əsasən, gəmilər avqustun 1-8-i "MoLoÇKa" əməliyyatı çərçivəsində Qara və Azov dənizlərində vurulub.

Brovdinin sözlərinə görə, gəmilərdən biri Gelencik rayonunda vurulub.

İyulun 6-dan bəri davam edən "MoLoÇKa" əməliyyatının başlanğıcından bu yana Ukrayna qüvvələri ümumilikdə 218 su nəqliyyatı vurub. Onlardan 134-ü Azov dənizində, 84-ü isə Qara dənizdə vurulub.

Brovdi əməliyyatın əvvəlcə müəyyən edilmiş 221 gəmi hədəfinə çatdıqdan sonra da davam edəcəyini bəyan edib. O, həmçinin Kerç boğazından gəmi hərəkətinin iyulun 10-dan bəri blokada altında qaldığını bildrib.

Oxşar xəbərlər

Azov dənizində gəmiyə dron hücumunda həlak olan Fuad Orucov Xaçmazda dəfn edilib

Leyla Əliyeva "Onlardan biri: Emil" adlı anım tədbirində iştirak edib

Azov dənizində gəmiyə PUA hücumu zamanı yaralanan Azərbaycan vətəndaşları vəziyyətlərindən danışdılar

Azov dənizində gəmiyə PUA hücumu nəticəsində yaralanan Azərbaycan vətəndaşlarının vəziyyəti açıqlanıb

Azərbaycanda bank maşınları satışa çıxarıldı - 4 min manatdan başlayır