Gürcüstan Abxaziya və Samaçablosuz mövcud ola bilməz.

"Report"un yerli bürosu xəbər verir ki, bunu Gürcüstan Prezidenti Mixeil Kavelaşvili 2008-ci il avqust müharibəsinin 18-ci ildönümü ilə bağlı çıxışında deyib.

O, ölkənin ərazi bütövlüyünün bərpasının dövlət siyasətinin əsas istiqamətlərindən biri olduğunu bildirib. Prezident qeyd edib ki, Gürcüstanın Abxaziya və Samaçablosuz mövcudluğunu təsəvvür etmək mümkün deyil.

"Heç bir Gürcüstan vətəndaşı bu ərazilərin heç bir mərhələdə Gürcüstandan ayrılmasına icazə verməyəcək. Bu, aksiomadır", - deyə Mixeil Kavelaşvili bildirib.

Onun sözlərinə görə, Gürcüstan hökuməti ölkənin ərazi bütövlüyünün bərpasına və münaqişənin sülh yolu ilə həllinə yönəlmiş siyasət həyata keçirir. Gürcüstanın məqsədi abxaz və osetin əhali ilə vahid dövlət çərçivəsində dinc yanaşı yaşamaq və barışığa nail olmaqdır.

M.Kavelaşvili 2008-ci il müharibəsində (Rusiya-Gürcüstan - red.) həlak olan hərbçilərin və mülki şəxslərin xatirəsini də yad edib, onların ailələrinə başsağlığı verib. O bildirib ki, müharibə nəticəsində Gürcüstan ərazilərini itirib, kəndlər və insanlar işğalın nəticələrindən zərər çəkib və bu vəziyyət bu gün də davam edir.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib