Amerika tərəfindən Naqasakiyə atom bombası atılmasının 81-ci ildönümü münasibətilə anım mərasimi avqustun 9-da şəhər Sülh Parkında keçiriləcək.

"Far.Az" xəbər verir ki, yerli vaxtla saat 11:02-də (Bakı vaxtı ilə 06:02-də) – 1945-ci ildə atom bombasının partladığı anda – Yaponiyada bir dəqiqəlik sükut elan ediləcək.

Daha sonra Naqasaki meri Şiro Suzuki Sülh Bəyannaməsini oxuyacaq. Mərasim iştirakçıları qarşısında Yaponiyanın Baş naziri Sanae Takaiçi də çıxış edəcək.

Tədbirlərdə 100-ə yaxın ölkə və regionun nümayəndələri iştirak edəcək. Xarici qonaqların bir çoxu artıq atom partlayışının episentrində yerləşən abidənin önünə gül dəstələri qoyublar.

Xatırladaq ki, Naqasaki 1945-ci ilin avqustunda Xirosimadan sonra Amerikanın nüvə zərbəsinə məruz qalan Yaponiyanın ikinci şəhəri olub. "B-29" bombardmançısının ilkin hədəfi Kokura şəhəri idi, lakin qatı bulud səbəbindən təyyarə Naqasakiyə doğru istiqamət alıb.

Xirosima və Naqasakinin atom bombardmanları tarixdə nüvə silahının döyüş məqsədilə tətbiq edildiyi yeganə hallar olub. ABŞ bəyan edirdi ki, zərbələr Yaponiyanın təslim olmasını sürətləndirmək və ehtimal edilən quru müdaxiləsi zamanı irimiqyaslı itkilərin qarşısını almaq üçün endirilib.

Oxşar xəbərlər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Leyla Əliyeva "Onlardan biri: Emil" adlı anım tədbirində iştirak edib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib