Delaver Universitetinin tədqiqatçıları qasırğaların intensivliyi ilə bağlı proqnozların dəqiqliyini artıracaq məlumatlar toplamaq üçün köpək balıqlarından "okean sensorları" kimi istifadə etməyə başlayıblar.

Far.Az xəbər verir ki, bu barədə avqustun 8-də Reuters məlumat yayıb.

Köpək balıqlarına suyun temperaturunu, dərinliyini və elektrik keçiriciliyini ölçən CTD sensorları quraşdırılır. Heyvanlar suyun səthinə yaxınlaşdıqda toplanan məlumatlar peyk rabitəsi vasitəsilə ötürülür.

Tədqiqatın rəhbəri, Delaver Universitetinin Dəniz Elmləri və Siyasəti Məktəbinin professoru Aaron Karlaylın sözlərinə görə, alimləri ilk növbədə okeanın üst qarışıq qatında toplanan istiliyin miqdarı maraqlandırır. Su qatının bu hissəsi qasırğaların gücünün formalaşmasında mühüm rol oynayır, çünki onların inkişafı üçün enerji mənbəyi hesab olunur.

Müşahidələr üçün mako, mavi və çəkicbaş köpəkbalıqlarından, həmçinin okeanın dərin qatları ilə səthi arasında müntəzəm hərəkət edən cavan ağ köpəkbalıqlarından istifadə edilir.

Sensorların quraşdırılmasına may ayında, köç edən növlər sahilə yaxınlaşdıqda başlanılır. Tədqiqatçılar sahildən 50-65 kilometr məsafəyə qədər dənizə çıxır və avadanlığın heyvanlara bərkidilməsi prosesi beş dəqiqədən az vaxt aparır.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyev Bakı Enerji Həftəsinin rəsmi açılış mərasimində iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3