Saksoniya-Anhalt federal torpağının Ali İnzibati Məhkəməsi "Almaniya üçün Alternativ" Partiyasının (AfD) regional şöbəsinin üzvlərinin və tərəfdarlarının silah lisenziyalarından məhrum edilməsinin qanuniliyini təsdiqləyib.

"Far.Az" xəbər verir ki, məhkəmə üç vətəndaşın iddialarını rədd edən Maqdeburq İnzibati Məhkəməsinin qərarını qüvvədə saxlayıb.

Məhkəmə hesab edib ki, iddiaçılar silaha sahib olmaq üçün qanunla tələb olunan etibarlılığa malik deyillər. Əgər şəxs fəaliyyəti konstitusiya quruluşuna qarşı yönəlmiş təşkilatın üzvüdürsə və ya onu dəstəkləyirsə, bu etibarlılıq olmaya bilər. Bununla belə, təşkilatın rəsmən qadağan edilməsi mütləq deyil.

Məhkəmə partiyanın regional şöbəsinin fəaliyyətinə istinad edərək onu insan ləyaqətinə və demokratiya prinsiplərinə qarşı yönəlmiş fəaliyyət kimi xarakterizə edib.

Xatırladaq ki, 2025-ci ilin martında Maqdeburq İnzibati Məhkəməsi vətəndaşların iddialarını artıq rədd etmişdi.

Vəkillərin partiyaya qarşı məhdudiyyətlərin yalnız onun Almaniya Federal Konstitusiya Məhkəməsi tərəfindən rəsmən qadağan edildikdən sonra mümkün olduğu barədə dəlilləri rədd edilib. Məhkəmə vurğulayıb ki, silah sahiblərinə qarşı tələblər bütün vətəndaşlar üçün eynidir.

AfD-nin Saksoniya-Anhaltdakı regional şöbəsi yerli Konstitusiyanın Mühafizəsi İdarəsi tərəfindən rəsmən "sağ ekstremist təşkilat" kimi təsnif edilib.

Oxşar xəbərlər

Prezident İlham Əliyev Əfv Sərəncamı imzalayıb

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3