Fransanın şimalındakı "Qravelin" Atom Elektrik Stansiyasının (AES) filtrasiya sistemlərinə meduzaların kütləvi axını EDF şirkətini üç reaktorun fəaliyyətini dayandırmağa və dördüncüsündə elektrik enerjisi istehsalını azaltmağa məcbur edib.

"Report" xəbər verir ki, bu barədə BFMTV telekanalı şirkətin məlumatına istinadən bildirib.

"Bu vəziyyətin obyektlərin və personalın təhlükəsizliyi ya da ətraf mühit üçün heç bir fəsadı yoxdur", - şirkətdən qeyd edilib.

"Qravelin" AES bir il əvvəl də analoji problemlə üzləşmişdi. O zaman meduzalara görə dörd reaktorun fəaliyyəti dayandırılmışdı.

Fransanın hər yerində quraqlıq və isti hava səbəbindən AES-lərin fəaliyyətinin dayandırılması ilə bağlı rekord göstərici müşahidə olunur, bu da elektrik enerjisi istehsalına təsir edir. Avqustun 9-u elektrik enerjisində 15,6% kəsir müşahidə olunub.

Oxşar xəbərlər

WUF13 yüksəksəviyyəli sessiyalar və rekord sayda iştirakçı ilə uğurla başa çatıb

Bakıda "Xızı-Abşeron" Külək Elektrik Stansiyasının rəsmi açılış mərasimi keçirilib

Prezident Ağdərədə "Qozlukörpü" Su Elektrik Stansiyasının açılışında iştirak edib

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3