Türkiyənin xarici işlər naziri Hakan Fidan Misirə səfər edəcək.

"Far.Az" xəbər verir ki, bu barədə Türkiyə Xarici İşlər Nazirliyi (XİN) məlumat yayıb.

Bildirilib ki, H. Fidan Türkiyə-Misir Birgə Planlaşdırma Qrupunun ikinci toplantısında iştirak edəcək və ikitərəfli görüşlər keçirəcək.

İki ölkənin XİN başçılarının həmsədrliyi ilə təşkil olunacaq toplantıda, 4 fevral 2026-cı il tarixində Qahirədə keçirilmiş Türkiyə-Misir Yüksək Səviyyəli Strateji Əməkdaşlıq Şurasının ikinci toplantısının nəticələri və Türkiyədə keçirilməsi nəzərdə tutulan üçüncü iclasın hazırlıqları başda olmaqla, ikitərəfli gündəlikdə yer alan məsələlər müzakirə ediləcək.

13 avqustda başlayacaq iki günlük səfər çərçivəsində, həmçinin regional məsələlərə dair fikir mübadiləsi aparılacaq.

Xatırladaq ki, Fidan Liviyada səfərdə olub. Tripoli və Benqazidə baş tutan görüşlərdə Türkiyə ilə Liviya arasında ikitərəfli münasibətlər, hərbi əməkdaşlıq müzakirə edilib.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Bişkekdə TDT ölkələri hökumət başçılarının iclası olub, Birgə Bəyanat qəbul edilib

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev TDT-yə üzv dövlətlərin hökumət başçılarının görüşünün iştirakçılarını qəbul edib