Daşkənddə "İslam sivilizasiyası: yeni baxış - yeni kəşflər" adlı beynəlxalq media forumuna həsr olunmuş xatirə poçt markalarının möhürlənməsi mərasimi keçirilib.

"Report"un Daşkəndə ezam olunmuş müxbirinin verdiyi məlumata görə, mərasimdə İslam Sivilizasiyası Mərkəzinin direktoru Firdavs Abduxalikov, "Euronews"un baş direktoru və redaksiya direktoru Klaus Struns, beynəlxalq media şirkətlərinin nümayəndələri, jurnalistlər və forum iştirakçıları iştirak ediblər.

Mərasim zamanı təşkilatçılar beynəlxalq media tərəfdaşlarına forumda iştirakına və Özbəkistanın tarixinə, mədəniyyətinə və irsinə həsr olunmuş layihələr çərçivəsində əməkdaşlığa görə minnətdarlıq ifadə ediblər.

Forum iştirakçılarına beynəlxalq mediaforum üçün xüsusi hazırlanmış xatirə albomları və portretlər təqdim edilib.

Bundan sonra iştirakçılar xatirə şəkli çəkdiriblər.

Oxşar xəbərlər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

İlham Əliyev Lənkəran Dövlət Peşə Təhsil Mərkəzinin açılışında iştirak edib

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Vətən müharibəsində Qələbənin beşinci ildönümünə həsr olunmuş Hərbi parad keçirilib