İtlə birlikdə yaşamaq insanın həm fiziki, həm də psixoloji sağlamlığı üçün faydalı ola bilər.

BAKU.WS xəbər verir ki, bu barədə tanınmış psixiatr Xavyer Kintero "El Confidencial" nəşrinə bildirib.

Onun sözlərinə görə, evdə it saxlamaq insanı daha aktiv həyat tərzinə sövq edir.

Psixiatr qeyd edb ki, itlə müntəzəm gəzintiyə çıxmaq hərəkətsiz həyat tərzinin mənfi təsirlərini azaltmağa, fiziki aktivliyi artırmağa və ürək-damar sisteminin fəaliyyətini yaxşılaşdırmağa kömək edə bilər.

Mütəxəssis həmçinin itin sığallanmasının insanın emosional vəziyyətinə müsbət təsir göstərə biləcəyini qeyd edib. Onun sözlərinə görə, ev heyvanı ilə təmas zamanı orqanizmdə stress hormonu kimi tanınan kortizolun səviyyəsi azala, insanlarda emosional bağlılıq, sakitlik və rifah hissi ilə əlaqələndirilən oksitosinin səviyyəsi isə arta bilər.

Psixiatr hesab edir ki, itlə yaşamaq xüsusilə gündəlik fiziki aktivliyin və sosial əlaqələrin artmasına şərait yaratdığı üçün psixi sağlamlığın qorunmasına da müəyyən töhfə verə bilər.

Bununla belə, Kintero vurğulayıb ki, ev heyvanlarının insanın psixoloji vəziyyətinə müsbət təsiri həkim tərəfindən təyin olunan müalicəni əvəz etmir. Psixi problemləri olan şəxslər mütəxəssis tərəfindən təyin edilmiş dərman və psixoterapiyadan imtina etməməlidirlər.

Oxşar xəbərlər

Heydər Əliyev Mərkəzində "ART Weekend" festivalının rəsmi açılışı olub

Həyatda yaxşı şeyləri niyə görmürük? - Tanınmış simaların FİKİRLƏRİ

"ART Weekend" çərçivəsində "Püstə: canlı irs" performansı təqdim edilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2