Özbəkistan ümumi daxili məhsulun həcminin 160 milyard dollara çatdırılması üzrə əvvəllər qarşıya qoyulmuş tapşırığı artıq 2026-cı ildə yerinə yetirəcək.

"Report"un Daşkəndə ezam olunmuş müxbirinin verdiyi məlumata görə, bu barədə Özbəkistan Prezidenti Şavkat Mirziyoyev Özbəkistanın müstəqilliyinin 35 illiyinə həsr olunmuş tədbirdə bildirib.

"Üç il əvvəl biz 2030-cu ilə qədər ümumi daxili məhsulun həcmini 160 milyard dollara çatdırmağı planlaşdırırdıq. Qlobal logistikadakı pozuntulara, dünyadakı qeyri-sabit vəziyyətə baxmayaraq, biz bu tapşırığı elə cari ildə yerinə yetirəcəyik", - o bildirib.

Prezidentin sözlərinə görə, bundan sonra Özbəkistan adambaşına düşən gəliri orta səviyyədən yuxarı olan ölkələr sırasına daxil olacaq.

Dövlət başçısı qeyd edib ki, son illər ölkədə valyuta, vergi, gömrük və investisiya siyasəti sahəsində genişmiqyaslı islahatlar həyata keçirilib.

"Əgər əvvəllər milli iqtisadiyyata hər il 2-3 milyard dollar xarici investisiya cəlb edilirdisə, hazırda bu rəqəm 40-50 milyard dolları ötür", - Ş.Mirziyoyev vurğulayıb.

Prezident əlavə edib ki, investisiyalarla yanaşı, ölkəyə qabaqcıl texnologiyalar, müasir biliklər və yeni iqtisadi imkanlar daxil olur.

O, həmçinin qeyd edib ki, Özbəkistan siyasi iradə nümayiş etdirərək dünyaya açılıb, sərhəd məsələlərini nizama salıb, qonşu dövlətlərlə dostluq əlaqələrini və əməkdaşlığı möhkəmləndirib.

Oxşar xəbərlər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Vətən müharibəsində Qələbənin beşinci ildönümünə həsr olunmuş Hərbi parad keçirilib

Şəhid analarının iştirakı ilə Vətən müharibəsində Zəfərin 5 illiyinə həsr olunmuş tədbir keçirilib

Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir" – MÜSAHİBƏ

Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir"