Dunay dəhlizi layihəsi Serbiyanın şərq hissəsinin iqtisadi standartlarının yüksəldilməsi baxımından həyati əhəmiyyət daşıyır.

"Report"un Balkan bürosu xəbər verir ki, bunu Serbiya Prezidenti Aleksandar Vuçiç bu gün Dunay dəhlizinin yeni 28 kilometrlik hissəsinin açılış mərasimində çıxışında deyib.

O vurğulayıb ki, layihə milli maraqların həyata keçirilməsi, daxili turizmə güclü təkan verilməsi baxımından da həyati əhəmiyyət daşıyır.

Vuçiçin sözlərinə görə, layihənin ümumi uzunluğu 67,9 min kilometrdən çoxdur.

Onun sözlərinə görə, layihə çərçivəsində 62 qurğu, altı yol qovşağı və 16 dairəvi yolayrıcı inşa edilib və yol saatda 100 kilometr sürət üçün layihələndirilib: "Biz Serbiyanın şərqini ölkəmizin mərkəzi, Belqrad və E75 avtomagistralı ilə birləşdiririk. Dunay dəhlizini, yəni Pojarevats, Veliko Qradişte və Qolubatsı ölkəmizin qalan hissəsinə, eləcə də bütün Avropaya yaxınlaşdıran əsas nəqliyyat arteriyasını açırıq".

Serbiya Prezidenti əlavə edib ki, sabah saat 12:00-dan etibarən Dunay dəhlizinin iki yeni hissəsi tam şəkildə nəqliyyatın hərəkəti üçün açılacaq.

Beləliklə, bundan sonra Belqraddan Qolubatsa avtomobillə rahat şəkildə 1 saat 15 dəqiqə – 20 dəqiqəyə getmək mümkün olacaq.

Oxşar xəbərlər

Prezident İlham Əliyev Bakı Enerji Həftəsinin rəsmi açılış mərasimində iştirak edib

Leyla Əliyeva və Arzu Əliyeva Qaxda Axar-Baxar Milli Parkının açılış mərasimində iştirak ediblər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib