"Bakı metropolitenində Yaşıl və Qırmızı xətlərin müstəqil fəaliyyət sahələrində interval gur saatlarda 3 dəqiqə 30 saniyə təşkil edib. Xətlərin ayrılması layihəsi çərçivəsində 200 metrə yaxın tunellərin inşası ilə əlaqədar hər bir xətt üzrə müstəqil hərəkət qrafikinin tərtib edilməsi nəticəsində Yaşıl xətt üzrə interval 3 dəqiqə 30 saniyə saxlanılıb".

Bu barədə BAKU.WS-in sorğusuna cavab olaraq "Bakı Metropoliteni" QSC-dən bildirilib.

Qurumdan qeyd edilib ki, lakin Qırmızı xətdə intervalın 1 dəqiqə azaldılması təmin edilib:

"Bu məqsədlə Qırmızı xətt üzrə müvafiq gücləndirmə, optimallaşdırma tədbirləri görülüb, həmçinin əlavə maşinistlər ayrılmaqla qatarların "İçərişəhər" stansiyasını tərk etməsinin operativliyi təmin edilib. Nəticədə hazırda xətt üzrə interval 2 dəqiqə 30 saniyə təşkil edir.

Həmçinin qarşıdakı dövrdə xətlər üzrə intervalın azaldılması ilə bağlı təhlillər aparılır və mümkün tədbirlərin görülməsi imkanları araşdırılır, sərnişin axını və tələbatı diqqət mərkəzində saxlanılır.

Hazırda texniki optimallaşdırma və təkmilləşdirmə tədbirləri davam etdirilir. Xətlərin ayrılması layihəsinin icrası dövründə sərnişinlərin metropolitendən daha rahat və təhlükəsiz istifadə etməsi üçün mümkün bütün tədbirlər görülür".

Orxan Hüseyn

Oxşar xəbərlər

FHN metroda birgə təlim keçirib

FHN metroda təlim keçirib

Qırmızı və Yaşıl xətlərin ayrılması Bakının nəqliyyat mənzərəsini necə dəyişəcək?

İçərişəhər rəqəmsallaşır: Yelo Bank yeni təşəbbüsə qoşuldu

FHN "İçərişəhər" Dövlət Tarix-Memarlıq Qoruğu İdarəsi ilə birgə təlim keçirib