"Vaşinqton iyun ayında bağlanmış İslamabad memorandumunun öhdəliklərini müstəqil şəkildə yerinə yetirmək istəməzsə, İran hakimiyyəti ABŞ-ni buna güc yolu ilə məcbur etmək niyyətindədir".

BAKU.WS Oxu.Az-a istinadən xəbər verir ki, bu barədə İran parlamentinin spikeri Məhəmməd Baqir Qalibaf xalqa videomüraciətində bildirib.

Onun sözlərinə görə, ABŞ-nin saziş üzrə öhdəlikləri yerinə yetirilənə qədər Hörmüz boğazı bağlı qalacaq.

Qalibaf əlavə edib ki, İran ABŞ-nin dəniz blokadasını hərbi təcavüz aktı hesab edir və buna simmetrik cavab verəcək:

"Əgər onlar blokadanı sərtləşdirsələr, biz mütləq hərbi cavab verəcəyik. Əgər düşmən bizim Fars körfəzindən neft ixrac etməyimizə mane olmaq qərarına gəlsə, heç kim neft ixrac edə bilməyəcək".

Xatırladaq ki, iyun ayında Vaşinqton və Tehran İslamabadın vasitəçiliyi ilə bütün cəbhələrdə, o cümlədən Livanda hərbi əməliyyatların dərhal dayandırılmasını nəzərdə tutan qarşılıqlı anlaşma memorandumu imzalayıblar.

Lakin iyulun 8-nə keçən gecə ABŞ İranı Hörmüz boğazı ilə bağlı əldə olunmuş razılaşmaların şərtlərini pozmaqda ittiham edərək genişmiqyaslı zərbələri bərpa edib.

Oxşar xəbərlər

Amnistiya aktı məntəqə tipli cəzaçəkmə müəssisəsində icra olunub

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib