Venesuela ABŞ-nin "Chevron" neft-qaz korporasiyası və İtaliyanın "Eni" şirkəti ilə neft sazişləri bağlayıb.

"Report" "Reuters"ə istinadən xəbər verir ki, sazişlər ABŞ-nin energetika naziri Kris Raytın Venesuelaya səfəri zamanı imzalanıb.

Qeyd olunub ki, bu sazişlər şirkətlərə iri neft layihələrinin həyata keçirilməsi çərçivəsində Venesueladakı fəaliyyətlərini genişləndirməyə və bununla da hasilatın həcmini əhəmiyyətli dərəcədə artırmağa imkan verəcək.

"Chevron" Orinoko çayı hövzəsindəki iki neft yatağına çıxış əldə edəcəyini bildirib. Şirkət Venesuelada hasilata 7 milyard dollar sərmayə qoymaq və beş il ərzində istehsalı gündəlik təxminən 280 min barel neftdən 600 min barelə çatdırmaq niyyətindədir.

"Eni" də həmçinin sazişin şərtlərinə əsasən Orinoko hövzəsindəki neft yatağının işlənməsi ilə məşğul olacağını açıqlayıb.

Sazişlərin imzalanması uzun müddətdir Venesuelada fəaliyyət göstərən özəl şirkətlərin ölkənin çətinlik çəkən neft sənayesinin dirçəlməsinə kömək etmək istiqamətində növbəti addımıdır; belə ki, bu sənaye hazırda gündəlik təxminən 1,25 milyon neft hasil edir, bu da 1990-cı illərin sonlarında əldə edilmiş gündəlik 3 milyon neftdən xeyli aşağıdır.

"Bizə sadəcə kağız imzalamaq lazım deyil, bizə barellər lazımdır", - "Eni"nin baş direktoru Klaudio Deskaltsi Karakasdakı Miraflores prezident sarayında keçirilən sazişin bağlanması mərasimində deyib.

Sentyabrın 2-si sazişləri imzalayan digər şirkətlər arasında həmçinin enerji şirkəti "GE Vernova" (GEV.N), "Primavera" və Denverdə yerləşən neft-servis şirkəti "Aspect" də var.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

30 illiyini qeyd edən Azərbaycan enerjisinin ötən ilinə baxış