Azərbaycan Tacikistanın ən mühüm və yaxın tərəfdaşlarından biridir.

"Far.Az" xəbər verir ki, bunu Tacikistanın Azərbaycandakı səfiri İlhom Abdurahmon Bakıda Tacikistanın müstəqilliyinin 35-ci ildönümünə həsr olunmuş tədbirdə bildirib.

"Azərbaycan Tacikistanın ən mühüm və yaxın tərəfdaşlarından biridir, ölkələrimiz arasındakı münasibətlər isə səmimi dostluğa əsaslanır", - o deyib.

Onun sözlərinə görə, iki ölkənin xalqlarını dərin tarixi, mədəni və mənəvi əlaqələr, ümumi ənənələr, qarşılıqlı hörmət və tərəqqi istəyi birləşdirir.

"Bunun göstəricisi, qeyd olunan dövr ərzində Tacikistan Prezidenti Emoməli Rəhmonun Azərbaycana dörd dəfə, Azərbaycan Prezidenti İlham Əliyevin isə Tacikistana üç dəfə rəsmi səfər etməsidir", - Abdurahmon qeyd edib.

Səfir vurğulayıb ki, Tacikistan-Azərbaycan münasibətlərinin əsası Emoməli Rəhmon və Azərbaycan xalqının ümummilli lideri Heydər Əliyev tərəfindən qoyulub.

Diplomat bildirib ki, 2024-cü il mayın 23-ü Bakıda imzalanmış Strateji Tərəfdaşlıq Haqqında Bəyannamə ikitərəfli əməkdaşlığı keyfiyyətcə yeni səviyyəyə çıxarıb.

"Bu sənəd qarşılıqlı əməkdaşlığımızın təxminən bütün əsas istiqamətlərini əhatə edir", - səfir bildirib.

Abdurahmon həmçinin bu ilin may ayında Bakıda Azərbaycan və Tacikistan arasında ticari-iqtisadi əməkdaşlıq üzrə Hökumətlərarası Komissiyanın 8-ci iclasının keçirildiyini xatırladıb.

"2025-ci ildə ölkələrimiz arasında ticarət dövriyyəsi 84 %, strateji əhəmiyyətli tranzit yükdaşımalarının həcmi isə 50 % artıb", - o qeyd edib.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Ağdam və Füzulidə Heydər Əliyevin 103-cü ildönümünə həsr olunan tədbirlər keçirilib

Şəkidə "Ümummilli Lider Heydər Əliyev və Azərbaycanın mədəniyyət dəyərləri" mövzusunda tədbir keçirilib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib