ABŞ Prezidenti Donald Tramp Venesuela ilə ölkənin təsdiqlənmiş neft ehtiyatlarından 65 milyard bareldən çoxunun ABŞ-nin nəzarətinə keçməsini nəzərdə tutan sazişin bağlandığını bəyan edib.

"Far.Az" xəbər verir ki, bu barədə Tramp "Truth Social" sosial şəbəkəsində yazıb.

Amerika liderinin sözlərinə görə, saziş "dünya tarixində ən böyük neft sövdələşməsi" olub. O qeyd edib ki, onun sərəncamı ilə ABŞ dövlət katibi Marko Rubio və müdafiə naziri Pit Heqset Venesuela Prezidentinin səlahiyyətlərini icra edən Delsi Rodriqes və özəl biznes təmsilçiləri ilə birlikdə neft ehtiyatlarının ABŞ-nin nəzarətinə keçməsini təmin ediblər.

Tramp vurğulayıb ki, Amerika vergi ödəyiciləri sövdələşmənin bağlanması ilə əlaqədar xərc çəkməli olmayacaqlar.

Onun sözlərinə görə, saziş sayəsində ABŞ öz neft ehtiyatlarını iki dəfədən çox artıracaq ki, bu da ölkədə benzinin qiymətinin əhəmiyyətli dərəcədə aşağı salınmasına imkan verəcək.

Oxşar xəbərlər

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN