Özbəkistanda qeyri-adi və heyrət doğuran hadisə qeydə alınıb.

BAKU.WS xəbər verir ki, Fərqanə şəhərində yerli sakin çoxmənzilli yaşayış binasının zirzəmisində süni su hövzəsi quraşdıraraq orada siam köpəkbalığı yetişdirib. Bu barədə "Repost.uz" məlumat yayıb.

Qeyri-adi hovuz tikinti və mənzil kommunal təsərrüfatı sahəsində nəzarət üzrə ərazi müfəttişliyinin əməkdaşları tərəfindən aparılan yoxlamalar zamanı aşkar edilib. Məlum olub ki, dəniz köpəkbalıqlarına xarici oxşarlığı ilə seçilən siam köpəkbalığı əslində şirin su balığıdır.

Lakin məsələ təkcə balıqla bitməyib. Yoxlama zamanı müfəttişlər ev sakininin ümumi su təchizatı sisteminə qanunsuz qoşulduğunu da üzə çıxarıblar. Zirzəmidən təyinatı üzrə istifadə qaydalarını kobud şəkildə pozan şəxs barəsində inzibati protokol tərtib olunub və o, cərimələnib. Eyni zamanda, suyun özbaşına istifadəsi faktı üzrə də ayrıca sənədləşmə aparılıb.

Aidiyyəti qurumlar tərəfindən ev sahibinə 15 gün müddətində zirzəmini tamamilə boşaltmaq, quraşdırılmış hovuzu sökmək və otağı əvvəlki ilkin vəziyyətinə qaytarmaqla bağlı sərt xəbərdarlıq edilib.

Oxşar xəbərlər

Monreal Protokolu ilə müəyyən olunmuş tənzimlənən ozondağıdıcı maddələrin siyahısı yenilənib

Alim: Füzulinin qəbrini Azərbaycana gətirsək, ruhu narahat olar - MÜSAHİBƏ

"Oracle Advisory Group" parlament seçkilərində "exit poll"un nəticələrini açıqlayıb

SWG SPA təşkilatı Azərbaycan Milli Məclisinə keçirilən seçkilərin "exit-poll" nəticələrini açıqlayıb

Bu günün valyuta məzənnələri