Britaniyanın "Oasis" rok qrupunun 100 saatdan çox məşq, konsert və musiqiçilərin söhbətlərinin səsyazmalarını özündə cəmləşdirən audioarxivi hərraca çıxarılıb.

"Report" Britaniya mediasına istinadən xəbər verir ki, audioarxivin dəyəri 1,6–2,2 milyon dollar qiymətləndirilir.

Səsyazmaları 1994-cü ildə "Definitely Maybe" debüt albomunun çıxmasından 2001-ci ilə qədər "Oasis"lə işləmiş qrupun səs rejissoru Hyu Riçards edib.

Arxiv 209 rəqəmsal DAT audiokasetdən, 73 analoq audiokasetdən və üç mini-diskdən ibarətdir. Hyu Riçardsın ölümündən sonra onun oğlu Oueyn Riçards səsyazmaları hərraca çıxarmaq qərarına gəlib.

"Littleton Auctions" hərrac evinin rəhbəri Ben Homerin sözlərinə görə, "Oasis" nümayəndələri arxivin məzmunu ilə bağlı narahatlıqlarını ifadə ediblər. Bununla belə, o qeyd edib ki, məsələ hüquqi baxımdan araşdırılıb və hərrac oktyabrın 3-də keçiriləcək.

Arxivdə "Oasis"in 1996-cı ildə Şotlandiyada Lox-Lomond gölünün sahilində verdiyi konsertin əvvəllər heç vaxt yayımlanmamış səsyazması da var.

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Silahlı Qüvvələrin bir qrup hərbi qulluqçu təltif edilib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Prezident İlham Əliyev Əfv Sərəncamı imzalayıb

İlham Əliyev Səməd Vurğun adına Yaradıcılıq Evinin açılışında iştirak edib