Sinqapur hökuməti dünyanın ən yüksək maaş alan siyasi lideri olan Baş nazir Lourens Vonqun illik gəlirinin 1 milyon dollardan çox artırılmasına qərar verib.

Far.Az xəbər verir ki, Vonqun illik maaş paketinə 1,4 milyon Sinqapur dolları, yəni təxminən 1,1 milyon ABŞ dolları əlavə olunacaq.

Bununla onun illik gəliri 2,2 milyon Sinqapur dollarından 3,6 milyon Sinqapur dollarına yüksələcək. Artım 60 faizdən çox təşkil edir. Vonq əlavə gəliri növbəti beş il ərzində xeyriyyə məqsədilə bağışlayacağını açıqlayıb.

Sinqapur hökuməti maaş artımını yüksək ixtisaslı şəxsləri dövlət idarəçiliyinə cəlb etmək zərurəti ilə əsaslandırıb. Baş nazir bildirib ki, özəl sektordan bacarıqlı mütəxəssisləri siyasətə cəlb etmək getdikcə çətinləşir.

Ölkədə nazirlərin maaşlarının da artırılması planlaşdırılır. Onların əsas illik əməkhaqqı paketinin 1,1 milyon Sinqapur dollarından 1,2 milyon dollara çatdırılması, əlavə ödənişlərlə gəlirin təxminən 1,35 milyon Sinqapur dollarına yüksəlməsi gözlənilir.

Hökumət yüksək maaşların korrupsiyanın qarşısının alınmasına kömək etdiyini bildirir. Bununla belə, artan yaşayış xərcləri və işsizlik fonunda qərar ölkədə tənqidlərə də səbəb olub.

Oxşar xəbərlər

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında çıxış edib

Leyla Əliyeva Türkmənistanda Qayğıya ehtiyacı olan uşaqlara yardım üzrə xeyriyyə Fondunun Avaza filialının açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN