Növbəti ildə Lənkəranın Hirkan Milli Parkında turizm marşrutlarının sayının artırılması planlaşdırılır.

"Far.Az"un Lənkərana ezam olunmuş müxbiri xəbər verir ki, bunu Lənkəran Regional Turizm İdarəsinin rəisi İlqar Əzimov Dövlət Turizm Agentliyinin Lənkəranan təşkil etdiyi mediatur zamanı jurnalistlərə açıqlamasında bildirib.

Onun sözlərinə görə, Lənkəranda yeni turizm marşrutlarının hazırlanması və infrastrukturun təkmilləşdirilməsi üzrə işlər davam etdirilir: "Hazırda Hirkan Milli Parkında 14 turizm marşrutu fəaliyyət göstərir və növbəti ildə onların sayının artırılması planlaşdırılır. Eyni zamanda, Dövlət Turizm Agentliyi və Azərbaycan Turizm Bürosu tərəfindən marşrutlar üzrə işarələmə işləri aparılır və bu proses gələn il də davam etdiriləcək".

İ.Əzimov Lənkəranın aqroturizm potensialının yüksək olduğunu və son 3 il ərzində bu imkanların dəyərləndirildiyini vurğulayıb: "Bölgədə aqroturizm obyektləri əsasən son üç ildə fəaliyyətə başlayıb. Yaşıl çay təsərrüfatı olan "Nillado", sitrus bağlarını əhatə edən "Citrus Valley" kimi məkanlar turistlər arasında böyük populyarlıq qazanıb. Həmçinin Lənkəranda Azərbaycanda ilk olan Arıçılıq Muzeyi açılıb və qısa müddətdə böyük marağa səbəb olub. Regionun kulinariya ənənələrinin beynəlxalq tədbirlərdə təbliği, turistik kəndlərin qiymətləndirilməsi və inkişafı istiqamətində layihələr icra olunur ki, bu da yerli əhalinin məşğulluğunun təmin edilməsinə töhfə verir".

Oxşar xəbərlər

Leyla Əliyeva "Hirkan" sənədli filminin təqdimatında iştirak edib

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Leyla Əliyeva, Arzu Əliyeva və Alena Əliyeva Lənkəranda ekoloji aksiyalarda iştirak ediblər

İlham Əliyev Lənkəran Dövlət Peşə Təhsil Mərkəzinin açılışında iştirak edib

Dövlət Gömrük Komitəsi media nümayəndələri üçün mediatur təşkil edib