Rekord yürüş edə bilən avtomobil markalarının adları açıqlanıb.

BAKU.WS "Lenta.ru"ya istinadən xəbər verir ki, 395 milyondan çox avtomobilin göstəricilərini araşdıraraq, 250 min mil (təxminən 402 min kilometr) məsafəni qət etmək şansı ən çox olan maşınları müəyyənləşdiriblər.

Bu barədə "iSeeCars Research" tədqiqat şirkətinin analitikləri araşdırma aparıb.

Məlum olub ki, etibarlılıq məsələsində Yaponiya istehsalçılarına çatan yoxdur.

Siyahının lideri "Toyota" markalı avtomobilləri olub.

Bu nəqliyyat vasitələrinin qeyd olunan yürüş həddini aşma ehtimalı 19,7 faizdir.

Bu göstərici orta sənaye göstəricisindən tam 3,7 dəfə yüksəkdir.

Ümumi reytinqin ilk beşliyində bir ABŞ təmsilçisi istisna olmaqla, yalnız Yaponiya maşın markaları qərarlaşıb.

"Toyota"nın ardından lüks subbrend olan "Lexus" (14,4%), daha sonra isə "Honda" (13,3%), "Acura" (9,5%) gəlir.

Beşinci yeri "General Motors" konserninə məxsus "GMC" (5,8%) tutub.

Aparıcı analitik Karl Brauer vurğulayır ki, "Porsche", "BMW", "Audi", "Land Rover" və ya "Buick" kimi bəzi baha qiymətli markaların aşağı nəticə göstərməsi onların keyfiyyətsizliyi demək deyil. Bu, sadəcə sürücülərin həmin avtomobillərdən gündəlik uzun məsafəli səfərlər üçün nadir hallarda istifadə etməsi ilə bağlıdır.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

WUF13-ün beşinci günündən maraqlı anlar - FOTOREPORTAJ

"Lexus RZ" - Elektrikli lüksün yeni erası

FHN təlim etmək istədi - Yanlış park edilən maşınlara görə yanğın avtomobilləri hərəkət edə bilmədi

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN