ABŞ-nin Nyu-York şəhərində, Staten-Aylend ərazisində barjada baş verən partlayış nəticəsində bir nəfər ölüb, iki nəfər yaralanıb.

"Report" xəbər verir ki, bu barədə "CBS News" Nyu-York Polis Departamentinə (NYPD) istinadən məlumat yayıb.

Qeyd olunub ki, hadisə yerində bir kişinin meyiti aşkarlanıb. Həlak olan şəxsin kimliyi hələlik müəyyən edilməyib.

Nyu-York Yanğınsöndürmə Departamentindən bildirilib ki, partlayışın nəticələrinin aradan qaldırılması üçün təhlükəli maddələrlə işləyən mütəxəssislər də hadisə yerinə cəlb olunub.

Partlayış nəticəsində üzərində neft məhsulları olan konteynerin yerləşdiyi barjanın üst hissəsi zədələnib. Yanğın söndürülüb, lakin fövqəladə hallar xidmətlərinin əməkdaşları hadisə yerində işlərini davam etdirirlər. Partlayışın səbəbləri araşdırılır.

Oxşar xəbərlər

Leyla Əliyeva və Arzu Əliyeva Nyu-Yorkda sərgidə iştirak ediblər

Binəqədidə güclü yanğın tam söndürülüb - YENİLƏNİB-4

Bakıda yanğın təhlükəli sexlərin fəaliyyətini dayandırıldı

Sumqayıtda yanğın təhlükəli obyektin fəaliyyəti dayandırılıb

Bakıda baş verən güclü yanğın söndürülüb