Braziliyanın Mato-Qrosso ştatında kiçik təyyarənin qəzaya uğraması nəticəsində 3 nəfər həlak olub.

"Report" xəbər verir ki, bu barədə yerli G1 telekanalı yanğınsöndürmə xidmətinə istinadən məlumat yayıb.

Qəza Aqua-Boa şəhərindən təxminən 20 kilometr məsafədə baş verib. Həlak olanların şəxsiyyəti hələlik müəyyən edilməyib.

İlkin məlumata görə, təyyarə Qoyaniya şəhərindəki aerodromdan havaya qalxıb. Lakin hava gəmisinin qeydiyyatdan keçmiş uçuş planı olmadığı üçün onun təyinat məntəqəsi məlum deyil.

Təyyarə qəza nəticəsində tamamilə yanaraq məhv olub. Yerli hakimiyyət orqanlarının məlumatına görə, bu, "Cessna" markalı, N401NA qeydiyyat nömrəli hava gəmisidir. Bununla belə, təyyarə Braziliyanın Milli Mülki Aviasiya Agentliyində (ANAC) qeydiyyatda olmayıb.

Qəzanın başvermə səbəbləri və digər hallar Braziliyanın Aviasiya Qəzalarının Araşdırılması və Qarşısının Alınması Mərkəzi (CENIPA) tərəfindən araşdırılacaq.

Oxşar xəbərlər

Prezident İlham Əliyev Milli Aviasiya Akademiyasında Beynəlxalq Təlim Mərkəzinin açılışında iştirak edib

Mülki aviasiyada təhlükəsizliyə nəzarətlə bağlı xidmət haqqı məbləğləri təsdiqlənib

Azərbaycanda mülki aviasiya xidmətləri ilə bağlı tariflər QÜVVƏYƏ MİNDİ

Prezident İlham Əliyev Zəngilan şəhərindəki ilk yaşayış kompleksinə köçən ailələrlə görüşüb - YENİLƏNİB

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN