Şotlandiya Böyük Britaniya hökumətinin ingilis tək malt viskisinə qorunan coğrafi ad statusu vermək qərarına narazılığını bildirib.

"Far.Az"un "The Daily Telegraph"a istinadən məlumatına görə, yerli Şotlandiya viskisi istehsalçıları vəziyyəti Britaniya hökumət rəsmiləri ilə müzakirə etmək niyyətindədirlər.

Şotlandiya, Uels və İrlandiya viskilərinin artıq istifadə etdiyi status ötən həftə ingilis viskisinə verilib.

"Glenmorangie", "Johnnie Walker" və "Diageo" da daxil olmaqla təxminən 90 şirkəti təmsil edən Şotlandiya Viski Assosiasiyası (SWA) hesab edir ki, ingilis viskisi üçün daha az sərt tələblər müəyyən edilib. Xüsusilə, ingilis tək malt viskisinin istehsalında müəyyən mərhələlər əsas spirt zavodundan kənarda həyata keçirilə bilər. Lakin, Şotlandiya tək malt viskisinin istehsalı qaydaları əzmə, fermentasiya və distillə proseslərinin Şotlandiyadakı zavodda aparılmasını nəzərdə tutur.

Qəzet mübahisəni London və Edinburq arasında "viski müharibəsi" adlandırıb. Nəşr qeyd edir ki, bu, Britaniya hökuməti ilə Şotlandiya, Uels və Şimali İrlandiya arasında davam edən siyasi fikir ayrılıqları fonunda baş verib. Onlar bazar ertəsi anlaşma memorandumu imzalayıblar. Sənəddə regionların öz müqəddəratını təyin etmək hüququ təsbit olunub. Britaniya Baş naziri Endi Börnemin Dəftərxanası ölkədən çıxmaqla bağlı referendumların keçirilməsi ehtimalını rədd edib.

Oxşar xəbərlər

FHN zavodda təlim keçirdi

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2