Bu ilin I yarısında Azərbaycanın nəqliyyat xidmətləri dövriyyəsinin dəyəri 2,6 milyard ABŞ dolları təşkil edib.

"Report" Azərbaycan Mərkəzi Bankına istinadən xəbər verir ki, bu, ötən ilin eyni dövrü ilə müqayisədə dəyişməyib.

Hesabat dövründə nəqliyyat xidmətlərinin 67,8 %-i qeyri-rezidentlərin Azərbaycanın nəqliyyat xidmətlərindən istifadəsi ilə əlaqədar olub.

Azərbaycan rezidentlərinin qeyri-rezidentlərə göstərdikləri nəqliyyat xidmətlərinin dəyəri 1,8 milyard dollar, qeyri-rezidentlərin Azərbaycan rezidentlərinə göstərdikləri nəqliyyat xidmətlərinin dəyəri isə 0,8 milyard dollar təşkil edib.

Dövr ərzində qeyri-neft-qaz sektoru üzrə nəqliyyat xidmətlərinin ixracı 6,6 % artıb, idxalı isə 1,7% azalıb. Nəticədə nəqliyyat xidmətləri üzrə profisit 9,9 % artaraq 941,1 milyon ABŞ dolları olub.

Ötən ilin 6 ayında nəqliyyat xidmətləri üzrə profisit 856,4 milyon ABŞ dolları təşkil edib. Nəqliyyat xidmətləri xidmətlər balansına müsbət təsir göstərən dayanıqlı maddəyə çevrilir.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib

Azərbaycan iqtisadiyyatı 2025-ci ildə: rekord valyuta ehtiyatları, Yaxın Şərqdə neft-qaz əməliyyatlarının genişləndirilməsi

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN