Mərkəzi Asiya ölkələri 2030-cu ilə qədər Cənubi Koreya ilə ticarət dövriyyəsinin həcmini 20 milyard dollara çatdıra bilərlər.

"Far.Az" Özbəkistan Prezidenti Şavkat Mirziyoyevin mətbuat xidmətinə istinadən xəbər verir ki, bu məsələ "Mərkəzi Asiya-Koreya Respublikası" birinci sammitində müzakirə olunub.

"Qarşılıqlı ticarəti əhəmiyyətli dərəcədə artırmaq və region ölkələrinin Koreya ilə ticarət dövriyyəsinin həcmini 2030-cu ilə qədər 20 milyard dollara çatdırmaq üçün birgə səmərəli həllər tapmağa imkan verəcək sənaye və ticarət nazirlərinin görüş platformasının yaradılması təşəbbüsü dəstəklənib", - məlumatda bildirilib.

Sammitdə çıxış edən Özbəkistan lideri regional bazar üçün innovasiya-istehsalat bazasına çevriləcək "Mərkəzi Asiya - Koreya" Sənaye-Texnologiya Parkını ölkədə yerləşdirməyə hazır olduğunu bəyan edib.

Həmçinin qeyd edilib ki, sammitin yekunlarına əsasən, Seul Bəyannaməsi, eləcə də qarşılıqlı fəaliyyətin prioritet istiqamətləri üzrə bir sıra digər sənədlər qəbul edilib.

Oxşar xəbərlər

DİN-in hərbi qulluqçuları və polis əməkdaşları Zəfər parkını ziyarət ediblər

Prezident İlham Əliyev Yaxın Şərq Sülh Sammitində iştirak edib

İlham Əliyev "SABAH.city" innovasiya şəhərciyinin birinci mərhələsinin açılışında iştirak edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub