Bakının Səbail rayonunda yerləşən doğum evində genişmiqyaslı bərpa və gücləndirmə işlərinin aparılması planlaşdırılır.

Far.Az-in məlumatına görə, Neftçi Qurban küçəsi 93 ünvanında, Kliniki Tibbi Mərkəzin tabeliyində fəaliyyət göstərən doğum evinin binasında əsasən bünövrə və konstruktiv hissələrin yenilənməsi nəzərdə tutulur.

Layihə çərçivəsində binanın bünövrəsinin həm içəridən, həm də çöldən açılması, divarların təmizlənməsi, hidroizolyasiyasının yenilənməsi və möhkəmləndirilməsi həyata keçiriləcək.

İşlərin ümumi dəyərinin 1 milyon 981 min 914 manat olduğu bildirilir.

Bərpa işlərinin başa çatdırılması binanın texniki dayanıqlığının artırılmasına və uzunmüddətli istismarının təmin olunmasına imkan verəcək. Eyni zamanda, doğum evinin daha təhlükəsiz və müasir şəraitdə fəaliyyət göstərməsi pasiyentlər və tibb işçiləri üçün daha əlverişli mühit yaradacaq.

Oxşar xəbərlər

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Xocalı şəhərində "Qarabağ Tekstil Evi" MMC istifadəyə verilib

Azərbaycanın tibb işçiləri NATO-nun təlimində iştirak edib

Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

Bakının Nəsimi rayonunda yeni körpələr evi-uşaq bağçası istifadəyə verilib