Göygöl rayonunun Üçtəpə kəndində 38 yaşlı qadının qətli ilə bağlı yeni təfərrüat ortaya çıxıb.

BAKU.WS Baku TV-yə istinadən xəbər verir ki, kənd sakini Mehriban Quliyeva çoxsaylı bıçaq xəsarətləri nəticəsində həyatını itirib.

İlkin məlumata görə, qadının həyat yoldaşı, 41 yaşlı Mətləb Quliyev cinayəti qısqanclıq zəminində törədib.

Hadisədən dərhal sonra rayonun hüquq-mühafizə orqanlarının əməkdaşları tərəfindən əməliyyat-istintaq tədbirləri həyata keçirilib. Qətli törətməkdə şübhəli bilinən Mətləb Quliyev saxlanılaraq istintaqa təhvil verilib.

Kənd sakinlərinin sözlərinə görə, ailə ilə bağlı indiyədək hər hansı narazılıq və ya münaqişə eşidilməyib. Qonşular onları sakit və mehriban ailə kimi tanıyıblar.

Qeyd edək ki, ailənin 15 və 16 yaşlarında iki oğlu var.

Faktla bağlı Göygöl Rayon Prokurorluğunda cinayət işi başlanılıb. Hazırda iş üzrə istintaq və əməliyyat tədbirləri davam etdirilir.

Oxşar xəbərlər

Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib

Bakıda güclü yanğın: Hadisə yerindən GÖRÜNTÜLƏR

Vətən müharibəsində Qələbənin beşinci ildönümünə həsr olunmuş Hərbi parad keçirilib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

FHN-in Dövlət Yanğından Mühafizə Xidməti növbəti "açıq qapı günü" tədbirləri keçirib