"Samsung" şirkəti yeni smartfonlarını enerji doldurma avadanlığı olmadan satışa çıxarıb.

Far.Az xəbər verir ki, söhbət sentyabr ayında təqdim edilən "Galaxy A07s" və "Galaxy A08" modellərindən gedir.

Bu smartfonları sınaqdan keçirən bloqerlər cihazların qutularında nə enerji adapterinin, nə də şarj kabelinin olmadığını müəyyən ediblər. Bildirilir ki, bu, "Samsung"un smartfonlarında ilk dəfə həm adapterin, həm də kabelin komplektə daxil edilməməsi halıdır.

Mütəxəssislərin fikrincə, şirkətin belə qərar verməsinin səbəbi xərclərin azaldılması ola bilər.

Qeyd edək ki, "Samsung" 2021-ci ildə ilk dəfə "Galaxy S21 5G" modelini enerji adapteri olmadan təqdim etmişdi. Lakin həmin smartfonun qutusuna şarj kabeli daxil edilmişdi. Yeni "Galaxy A07s" və "A08" modellərində isə kabel də komplektdən çıxarılıb.

Məsələ xüsusilə büdcə seqmentindəki cihazların əsas istifadəçiləri baxımından müzakirələrə səbəb olub. Bu kateqoriyadakı smartfonlar uşaqlar və yaşlı insanlar üçün tez-tez alınır və onların ayrıca şarj kabeli olmaya bilər.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

20 Sentyabr - Neftçilər Günü münasibətilə tədbir keçirilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3